వసుధమాట.

భిక్షపాత్ర నా చేతిలోనేఉంది నిన్ను ఏమి అర్ధించాలో నాకు తెలియడం లేదు.తడి ఆరిపోతున్న నా పెదాలతో నీ నామముచ్చరిస్తూ నీ ద్వారం వంక చూస్తూ అలా నిలబడి ఉన్నాను. పలుచని తెరలాటి పొగతో నీ తలుపులు తెరుచుకొన్నాయి.వెలుగు నిండిన కన్నులతో,మంద స్మితంతో,మందగమనంతో మెల్లగా నీవు నా వైపుకి అడుగులేస్తూ వస్తున్నావు. నా నిరీక్షణ ఫలించిదన్న ఆనందం, నీవు నాచెంత కొస్తున్నావన్న సంతోషం,అది నీ వేనా అన్న సంబ్ర్హమం అన్ని భావాలు మిళితమై నా కన్ను రెప్ప వేయడం ఆపేసింది.నా గుప్పెడు గుండె కొట్టుకోవడం మరిచి పోయింది.మసక బారుతున్న నా చూపుకు చేతులు చాచిన నీ రూపం లీలగా కనబడుతూ కనుమరుగవుతోంది .చివరికి నేను నిను చేరానా నీవు నను చేర్చుకోన్నవా తెలేనే లేదు.